काठमाडौँ । नेपाली बजारमा मंगलबार सुन–चाँदीको मूल्यमा बढेको छ । नेपाल सुन–चाँदी व्यवसायी महासंघले सार्वजनिक गरेको तथ्यांक अनुसार आज सुनको मूल्य तोलाको ४०० रुपैयाँ बढेको छ भने चाँदीको मूल्य तोलाको ५० रुपैयाँ बढेको हो ।
मंगलबारको बजारमा सुनको प्रतितोला ३ लाख ११ हजार ३०० रुपैयाँमा कारोबार भइरहेको छ । सोमबारको बजारमा सुनको मूल्य तोलाको ३ लाख १० हजार ९०० रुपैयाँमा कारोबार भएको थियो ।
यसैगरी, मंगलबारको बजारमा चाँदी प्रतितोला ५ हजार ४०५ रुपैयाँमा कारोबार भइरहेको छ । सोमबारको बजारमा चाँदीको मूल्य तोलाको ५ हजार ३५५ रुपैयाँमा कारोबार भएको थियो ।
