काठमाडौँ । दशैँको बिदाको समयमा पनि चितवनको राप्ती नगरपालिका खुुल्लै हुनेभएको छ । पालिकाले दशैँको बिदाको समयमा सेवाग्राहीको समस्यालाई मध्यनजर गर्दै पालिका खुला गरिएको जनाएको हो ।
बिदाको समयमा बिहान ११ बजेदेखि २ बजेसम्म पालिकाले वितरण गर्ने क्यान्सर रोगका बिरामी र विपन्न नागरिकको उपचारको लागि निवेदन वितरण हुनेछ । जसका लागि बिरामीले अस्पतालबाट चिकित्सकले रोग प्रमाणित गरेको पुर्जा सहित पालिकामा निवेदन दिनुपर्नेछ ।
खुल्लै छ निशुल्क एम्वुलेन्स सेवा
पालिकाको सेवा प्रवाह सँगै दशैँको बिदाको समयमा पनि २४ सै घण्टा निःशुल्क एम्वुलेन्स सेवा खुला रहेको छ ।
पालिकाले जारी गरेको सूचना अनुसार स्वास्थ्य सेवाका लागि भण्डारा अस्पतालको आकस्मिक कक्षा २४ सै घण्टा खुला रहेको छ भने पालिकाले दिदैँ आएको निःशुल्क एम्वुलेन्स सेवा समेत सुचारु छन् ।
