काठमाडौँ । भारतको दिल्ली राज्य सरकारले भारतीय सरकारी कर्मचारीहरूलाई अर्को आदेश नआएसम्मका लागि बिदा लिन रोक लगाएको छ ।
सीएनएनका अनुसार भारतीय राज्यनियन्त्रित रेडियोले मे ८ मा सार्वजानिक गरेको सरकारी सूचनामा सो कुरा उल्लेख छ ।
“हालको परिस्थिति र आपतकालीन प्रतिकार्य प्रणालीको तयारीको लागि एनसीटी दिल्ली सरकारका कुनै पनि अधिकारी वा कर्मचारीले अर्को आदेश नआएसम्म छुट्टी नपाउने निर्देशन दिएको छ,” सूचनामा भनिएको छ ।
यो आदेश भारत र पाकिस्तानबीच ठूलो द्वन्द्वको नजिक पुगेको आशंकाको बीचमा आएको हो ।
२४ विमानस्थल बन्द
भारतका २४ वटा विमानस्थल नागरिक सेवाका लागि बन्द गरिएका छन् । ती विमानस्थलमा मार्शल तैनाथ गरिएको छ ।
पञ्जाब, जम्मू कश्मीर, लद्दाख, गुजरात, राजस्थान र हिमाचल प्रदेशका २४ ओटाविमानस्थल नागरिक सेवाका लागि बन्द गरिएको बीबीसीले जनाएको छ । नागरिक उड्डयन सुरक्षा ब्यूरो ९बीसीएएस०ले देशभरका सबै एयरलाइन्स र विमानस्थलहरूलाई सुरक्षा उपायहरू बढाउन निर्देशन दिएको छ ।
निर्देशन अनुसार, सबै विमानस्थलहरूमा सबै यात्रुहरूको जाँच गरिनेछ । टर्मिनल भवनमा आगन्तुकहरूको प्रवेश निषेध गरिएको छ । एयर मार्शल तैनाथ गर्न निर्देशन दिइएको छ ।
एयर इन्डियाले बीसीएएसलाई उदृत गर्दै आन्तरिक यात्रुहरूले तीन घण्टाअगाडि विमानस्थल पुग्नुपर्ने बताएको छ । ७५ मिनेट अगाडि चेक–इन बन्द हुने जनाएको छ । बीबीसी
