काठमाडौँ । चीनको पूर्वी शानडोङ प्रान्तमा रहेको एक रासायनिक प्लान्टमा ठूलो विस्फोट भएको छ। विस्फोटमा परी कम्तीमा पाँच जनाको मृत्यु र १९ जना घाइते भएको बीबीसीले जनाएको छ।
मंगलबार राति भएको दुर्घटनामा अन्य ६ जना बेपत्ता भएको बताइएको छ। सामाजिक सञ्जालमा भाइरल फुटेजमा घटनास्थलबाट कालो धुवाँ निस्किरहेको देखिन्छ।
स्थानीय प्रशासनका अनुसार शानडोङ युदाओ रासायनिक कारखानामा राहत र उद्धारका लागि २०० भन्दा बढी आपत्कालीन उद्धारकर्मी खटाइएको थियो। कम्पनीको वेबसाइटका अनुसार यहाँ कीटनाशक र औषधि उत्पादन गरिन्थ्यो।
