काठमाडौँ । चितवनको राप्ती नगरपालिकाको सेवा प्रवाहमा ज्यालादारी कर्मचारीलाई हटाउदा समस्या आएको छ । २४ सै घण्टा सेवा दिइरहेको भण्डारा अस्पतालको सेवा खुम्चिएको छ भने निशुल्क एम्वुलेन्स सेवा समेत प्रभावित भएको हो ।
नगरपालिकाको आधा दर्जन ठाउमा खुलेको स्वास्थ्य केन्द्र समेत प्रभावित भएको छ । नियमित उपचारमा रहेका नगरवासीहरुलाइ समस्या आइ लागेको छ ।
पालिकाले करार र दैनिक ज्यालामजदुरीमा रहेका कर्मचारी हटाएपछि भण्डारा अस्पतालको नियमित काममा अप्ठ्यारो भएको छ भने २ वटा एम्बुलन्सको सेवा ठप्प भएको छ । यस्तै, कृषि एम्बुलेन्स र फोहोर व्यवस्थापन गर्ने ट्याक्टरको सेवा समेत प्रभावित भएको छ ।
एकै पटक ६८ जना कर्मचारीलाइ बिदा गर्दा नियमित रुपमा सञ्चालन भइरहेको ऐलानी जग्गा नापजाँचमा समस्या भएको छ भने सोमबारदेखि सुरु भएको वडा नम्बर ४ को नापजाँचको काम ठप्प भएको छ ।
राप्तीमा मेयर उपमेयरबीचको विवादः एकैपटक हटाईए ७४ जना कर्मचारी
