काठमाडौं । बुधबार दिउँसो भएको हेलिकप्टर दुर्घटनामा ज्यान गुमाएका क्याप्टेन अरूण मल्ल ३० वर्षे अनुभवी प्रशिक्षक पाइलट (आईपी) रहेको बताइएको छ ।
उक्त हेलिकोप्टर यसअघि २०७९ को चैत २५ गते ह्यास अस्पतालमा पनि दुर्घटनामा परेको थियो। यस्तै १६ वर्षअघि पनि दुर्घटनामा परेको पाइएको छ । क्याप्टेन मल्ल २०७० असोज १० सोलुखुम्बुको लुक्लामा भएको दुर्घटना परेका थिए ।
सो दुर्घटनामा एयर डाइनेस्टी हेलिसर्भिसेसको हेलिकोप्टरका चालक क्याप्टेन मल्लसहित ३ यात्रु सवार थिए । बुधबार नुवाकोटको सूर्यचौरमा भएको हेलिकप्टर दुर्घटनामा क्याप्टेन मल्लसहित ५ जनाको निधन भएको छ । हेलिकप्टरमा चार चिनियाँ यात्रु सवार थिए ।
क्याप्टेन मल्लका परिवारमा श्रीमती र दुई छोरी छन्। उनी काठमाडौंका स्थानीय हुन् ।
