काठमाडौं । नेपाल धितोपत्र बोर्डका अध्यक्ष सन्तोषनारायण श्रेष्ठले नेपालखबर र बिजमाण्डूविरुद्ध दायर गरेको निषेधाज्ञा रिट खारेज भएको छ। बिहीबार जिल्ला अदालत काठमाडौंका न्यायाधीश श्यामविहारी मौर्यको इजलासले उक्त रिट खारेज गरिदिएको हो।
श्रेष्ठले बिचौलियामार्फत घुस मागेको दाबीसहित नेपालखबर र बिजमाण्डूमा समाचार प्रकाशित भएपछि श्रेष्ठले २६ जेठमा रिट दर्ता गरेका थिए। न्यायाधीश पीताम्बर शर्माको इजलासले समाचार हटाउन र थप नलेख्न अल्पकालीन अन्तरिम आदेश दिँदै छलफलका लागि बोलाएको थियो। बिहीबार न्यायाधीश मौर्यको इजलासले उक्त रिट खारेज गरिदिएको हो।
रिट खारेज भएसँगै नेपालखबर र बिजमाण्डूले श्रेष्ठका विषयमा प्रकाशित समाचार सामग्रीहरू हटाउने आदेश पनि स्वत: खारेज भएकाे हाे।
