काठमाडौं । साताको दोस्रो कारोबारी दिन मंगलबार शेयर बजार दोहोरो अंकले वृद्धि भएको छ। नेपाल स्टक एक्सचेञ्ज (नेप्से) परिसूचक आज ३०.७६ अंकले बढेर ३००२ विन्दुमा उक्लिएको हो। नेप्से बढेसँगै १७६ कम्पनीको शेयर मूल्यमा सुधार आएको छ भने ७४ कम्पनीको शेयर मूल्य घटेको देखिन्छ।
१८ अर्ब ५२ करोड रुपैयाँको कारोबार
आज दिनभरिमा ३२१ कम्पनीको ४ करोड १८ लाख ८ हजार ९६६ कित्ता शेयर किनबेच हुँदा १८ अर्ब ५२ करोड रुपैयाँभन्दा बढीको कारोबार भएको छ।
यस दिन हिमालयन डिष्टिलरीको सबैभन्दा धेरै कारोबार भएको छ। कम्पनीको ६४ करोड ४१ लाख रुपैयाँ बराबरको शेयर कारोबार भएको छ।
त्यस्तै ग्रिन भेञ्चरको ६३ करोड ८२ लाख, नेपाल पुनर्बीमा कम्पनीको ५६ करोड ९२ लाख, र हिमालयन रिइन्स्योरेन्सको ५२ करोड ७७ लाख रुपैयाँ बराबरको कारोबार भएको छ।
मुक्तिनाथ कृषि र ट्रेड टावरका लगानीकर्तालाई १०% मुनाफा
आज लगानीकर्तालाई सर्वाधिक लाभ दिने कम्पनीहरूमा मुक्तिनाथ कृषि कम्पनी, ट्रेड टावर कम्पनी र सान्भी इनर्जी रहेका छन्। ती तीन कम्पनीका शेयरमा १० प्रतिशतको वृद्धि भएको हो।
त्यस्तै, नाडेप लघुवित्तका शेयरमा पनि ९.९९ प्रतिशतको वृद्धि भएको छ।
समता लघुवित्तमा ८.६०% गिरावट
दोस्रो तिर, आज सबैभन्दा धेरै मूल्य घट्ने कम्पनी समता घरेलु लघुवित्त वित्तीय संस्था रहेको छ। यस कम्पनीको शेयरमा ८.६० प्रतिशतको गिरावट देखिएको छ।
