काठमाडौँ । काठमाडौँमा जारी नाइमा नेपाल मोबिलिटी एक्स्पोमा ग्राहकको रोजाइमा एलएस अटोको गाडी पर्न थालेको छ ।
चीनिया कम्पनी एलएस अटोको नेपालका लागि अधिकारिक वितरक नेक्सन भेन्चर्सले उक्त एक्स्पोमा लिभ ०१ प्रदर्शनमा राखेको छ ।
एक्स्पोमा कम्पनीले लिभ ०१ को मूल्य ६४ लाख ९५ हजार रुपैयाँ तोकेको छ । उक्त मूल्यमा बोनस र छुट उपलब्ध गराइरहेको कम्पनीले जनाएको छ ।
नाइमा एक्स्पोमा बुक तथा खरिद गर्नेलाई कम्पनीले थप साढे २ लाख रुपैयाँ छुट दिइरहेको छ भने १० किलोग्रामको वासिङ मेसिन पनि उपलब्ध गराइरहेको छ ।
लिभ ०१ मा ६७.१२ किलोवाट आवर र ९९ किलोवाटको मोटर छ । ईभीले पूर्ण चार्जमा ५०० किलोमिटर रेञ्ज प्रदान गर्ने कम्पनीको दाबी छ ।
लिभ ०५ र एक्सको बुकिङ
अटो शो मा नै कम्पनीले २ नयाँ गाडीको बुकिङ लिइरहेको छ । कम्पनीले छिट्टै नेपाल ल्याउन लागेको लिभ ०५ र लिभ एक्सको बुकिङ खुलाएको हो । अटो शो मा नै उद्घाटनको योजना बनाएर गाडी ल्याउने तयारीमा रहेको कम्पनीले रसुवा बाढीका कारण गाडी ल्याउन पाएको थियो ।
शोमा ल्याउन नपाएको गाडी कम्पनीले बुकिङ खुलाएको हो । लिभ ०५ प्रिमियम ह्याचब्याकमा ५६ किलोवाट आवरको एलएफपी ब्याट्री प्याक दिइएको छ भने रेञ्ज ४०० किलोमिटर हुने कम्पनीको दाबी छ ।
कम्पनीले बुकिङ लिइरहेको अर्को ईभी हो, लिभ एक्स । यो कम्पनीले हाल बिक्री गरिरहेको लिभ ०१ को फोर ह्विल ड्राइभ भर्सन हो । यो मोटर पावरका साथै केही फिचर थप भएर आउनेछ।
यमास ७७ किलोवाट आवरको ठूलो ब्याट्री प्याक छ । रेञ्ज ५४५ किलोमिटर प्रदान गर्ने कम्पनीको दाबी छ ।
