एजेन्सी । चीनले शनिबार दक्षिण चीनको हाइनान प्रान्तस्थित वेन्चाङ अन्तरिक्ष प्रक्षेपण केन्द्रबाट नयाँ सञ्चार प्रविधि परीक्षण उपग्रह सफलतापूर्वक अन्तरिक्षमा पठाएको छ।
उक्त उपग्रह बेइजिङ समयअनुसार साँझ ८ः३० बजे लङ मार्च–५ वाहक रकेटमार्फत प्रक्षेपण गरिएको थियो। प्रक्षेपणपछि उपग्रहले निर्धारित कक्षामा सफलतापूर्वक प्रवेश गरेको जानकारी प्राप्त भएको छ।
यो उपग्रह बहु–ब्यान्ड तथा उच्च–गति सञ्चार प्रविधि परीक्षण र प्रमाणीकरण कार्यका लागि प्रयोग गरिनेछ। प्रक्षेपणको सफलतासँगै लङ मार्च वाहक रकेट शृङ्खलाले आफ्नो ६१८औँ मिशन पूरा गरेको छ।
