काठमाडौँ । नेपाली बजारमा सुनचाँदीको मूल्यमा नयाँ रेकर्ड बनाएको छ । नेपाल सुनचाँदी व्यवसायी महासंघले सार्वजनिक गरेको तथ्यांक् अनुसार शुक्रबार सुनको मूल्य बढेर हालसम्मकै उच्च बिन्दु ३ लाख १ हजार ४ सय रुपैयाँ पुगेको हो ।
बिहिबार प्रतितोला २ लाख ९२ हजार २ सय रुपैयाँमा कारोबार भएको थियो ।
आज प्रति १० ग्राम छापावाल सुनको भाउ २ लाख ५८ हजार ४ सय रुपैयाँ तोकिएको छ । नेपाली बजारमा सुनको भाउ पहिलोपटक प्रतितोला ३ लाख रुपैयाँ नाघेको हो ।
आज चाँदीको भाउ पनि तोलामा ३२० रुपैयाँले बढेर प्रतितोला ६ हजार १ सय ९० रुपैयाँ पुगेको छ । आज १० ग्राम चाँदीको भाउ ५ हजार ३ सय ७ रुपैयाँ तोकिएको छ । चाँदीको भाउ पनि हालसम्मकै उच्च हो ।
