काठमाडौँ । सरकारले निमित्त सचिव कमल पोखरेललाई सचिवमा बढुवा गरेको । बुधबार साँझ प्रधानमन्त्री तथा मन्त्रिपरिषद्को कार्यालय सिंहदरबारमा बसेको मन्त्रिपरिषद्को बैठकले सचिवको बढुवादेखि सरुवाको निर्णय गरेको हो ।
यस्तै, आजको बैठकले कही सह सचिवको सरुवा गरेको एक मन्त्रीले जानकारी दिए । उनका अनुसार आजको बैठकले ४ जना सचिवको सरुवा गरेको छ ।
जसमा वन मन्त्रालयका सचिव गोविन्दप्रसाद शर्मालाई कृषि मन्त्रालयमा सरुवा गरेको छ । कृषिमा रहेका दीपककुमार खनाललाई भने वन मन्त्रालयमा लगिएको छ ।
यस्तै उर्जा सचिव गोपाल सिग्देललाई जल तथा उर्जा आयोगको सचिवालयमा सरुवा गरिएको छ । त्यहाँ रहेका सुरेश आचार्यलाई भने उर्जा मन्त्रालयमा लगिएको छ ।
