काठमाडौँ । बालेन सरकारमा गृहमन्त्रीको जिम्मेवारी सुदन गुरुङले पाउने भएका छन् । शुक्रबार बिहान भएको रास्वपाका सभापति रवि लामिछाने र बरिष्ठ उपाध्यक्ष तथा प्रधानमन्त्री बालेन शाहबीच भएको छलफलमा गुरुङलाई गृहमन्त्री बनाउने निर्णय भएको हो ।
उनी जेनजी आन्दोलनका अगुवा सुधन गुरुङलाई दिएको छ। उनी गोरखा क्षेत्र नम्बर १ बाट निर्वाचित प्रतिनिधिसभा सदस्य हुन् ।
यस्तै, बालेन्द्र शाह नेतृत्वको सरकारमा स्वर्णिम वाग्ले अर्थ र शिशिर खनाल परराष्ट्र मन्त्री बन्ने भएका छन् ।
सभापति रवि लामिछाने र वरिष्ठ नेता बालेन्द्र शाहबीच भएको छलफलपछि अर्थ र परराष्ट्र मन्त्री टुंगो लागेको रास्वपाका एक शीर्ष नेताले बताए ।
२१ फागुनमा भएको चुनावको प्रचारप्रसारका बेलै रास्वपा सभापति रवि लामिछानेले वाग्लेलाई भावी अर्थमन्त्रीका रुपमा प्रस्तुत गरेको थिए । उनले वाग्लेलाई आगामी आर्थिक वर्षको बजेट लेख्दै गर्न समेत भनेका थिए ।
खनाल रास्वपाबाट पहिले शिक्षामन्त्री समेत भइसकेका नेता हुन् । उनी रास्वपा र बालेन्द्र शाहबीच एकताका लागि भएको संवादमा समेत सहभागी नेता हुन् । खनाल पार्टीमा अन्तर्राष्ट्रिय विभाग प्रमुख समेत हुन् ।
