काठमाडौं । प्रतिनिधिसभाको सभामुख पदका लागि निर्वाचन यही चैत २२ गते हुने भएको छ । सभामुख चयनका लागि मनोनयन दर्ता प्रक्रिया पर्सि चैत २० गते सञ्चालन गरिने तय गरिएको छ ।
मंगलबार सिंहदरबारमा बसेको सर्वदलीय बैठकले सभामुख निर्वाचनको कार्यतालिका टुंगो लगाएको हो । बैठकपछि सञ्चारकर्मीहरूसँग कुरा गर्दै राप्रपा सांसद खुश्बु ओलीले मनोनयन दर्ता २० गते र निर्वाचन २२ गते गर्ने सहमति बनेको जानकारी दिइन् ।
उनका अनुसार निर्वाचन सम्पन्न भएको दिनमै नवनिर्वाचित सभामुखले पद तथा गोपनीयताको शपथ लिने कार्यक्रमसमेत राखिएको छ ।
