काठमाडौँ । प्रतिनिधि सभाको उपसभामुख पदका लागि शुक्रबार निर्वाचन हुँदैछ। दिउँसो ४ बजे बस्ने प्रतिनिधि सभा बैठकमा उपसभामुखको निर्वाचन हुने कार्यसूची छ।
त्यसअघि दिउँसो ३ बजे राष्ट्रपति रामचन्द्र पौडेलले संघीय संसदको संयुक्त बैठकलाई सम्बोधन गर्ने कार्यक्रम तय भएको छ।
उपसभामुख पदका लागि श्रम संस्कृति पार्टी र राष्ट्रिय प्रजातन्त्र पार्टी ९राप्रपा० ले उम्मेदवारी दिएको छ। श्रम संस्कृतिबाट रूबीकुमारी ठाकुर र राप्रपाले सरस्वती लामाले उम्मेदवारी दिएकी छन्।
सत्तारूढ राष्ट्रिय स्वतन्त्र पार्टी ९रास्वपा०ले अन्तिम समयमा निर्णय परिवर्तन गरेपछि उपसभामुखका लागि दुवै विपक्षी दलबाट उम्मेदवारी परेको हो।
रास्वपा सभापति रवि लामिछानेले सघाउने भनेपछि राप्रपाले उम्मेदवारी दिएको संसदीय दल नेता ज्ञानेन्द्र शाहीले बताएका छन्।
यद्यपि राप्रपालाई उपसभामुख दिन प्रधानमन्त्री वालेन्द्र शाह तयार नभएपछि रास्वपाले १० मिनेटअघि निर्णय परिवर्तन गरी श्रम संस्कृति पार्टीलाई सघाउने भएको हो।
रास्वपा सांसद अशोक चौधरी श्रम संस्कृतिकी रूबीकुमारीको समर्थक छन्। नेकपा लगायत अन्य दलहरूले पनि श्रम संस्कृतिलाई सघाउने बताएका छन्।
