काठमाडौँ । सरकारले सम्पत्ति शुद्धीकरण अनुसन्धान विभागका महानिर्देशक गजेन्द्र ठाकुरलाई अर्थ मन्त्रालयमा तानेको छ ।
विवादीत व्यवसायी दीपक भट्टको लगानी रहेको हिमालयन रि इन्स्योरेन्समा ठाकुरको श्रीमतीको शेयर देखिएपछि ठाकुरलाई अर्थ मन्त्रालयमा तानिएको हो ।
कम्पनीमा ठाकुरको पत्नि राखी निहारिका ठाकुरको नाममा २० हजार किता शेयर रहेको पाइएको छ । दीपक भट्ट र सुलभ अग्रवाल संलग्न हिमालयन रि इन्स्योरेन्सको शेयर प्रकरणमा उनी समेत मुछिएपछि मन्त्री स्वर्णिम वाग्लेले विभागबाट तानेका हुन् ।
भटट् र अग्रवालमाथि सम्पत्ति शुद्धीकरण अनुसन्धान विभागले अनुसन्धान प्रक्रिया अघि बढाइरहेका बेला विभागकै महानिर्देशक ठाकुरकी पत्नीको नाममा समेत शेयर देखिएपछि उनलाई मन्त्रालय तानिएको हो ।
नयाँ महानिर्देशकको बारेमा निर्णय नभएको बताइएको छ ।
