काठमाडौँ । साताको कारोबारको छैटौँ दिन शुक्रबार नेपाली बजारमा सुनको मूल्य उल्लेख्य रूपमा बढेको छ। अघिल्लो कारोबार दिनको तुलनामा आज सुनको मूल्य प्रतितोला ५ हजार ६ सय रुपैयाँले वृद्धि भएको हो।
नेपाल सुनचाँदी व्यवसायी महासंघका अनुसार बिहीबार प्रतितोला २ लाख ८५ हजार रुपैयाँमा कारोबार भएको छापावाला सुन शुक्रबार बढेर प्रतितोला २ लाख ९० हजार ६ सय रुपैयाँ पुगेको छ।
यस्तै, चाँदीको मूल्य पनि बढेको छ। अघिल्लो दिनको तुलनामा प्रतितोला १७५ रुपैयाँले वृद्धि हुँदै चाँदीको मूल्य ५ हजार ४० रुपैयाँ कायम भएको महासंघले जनाएको छ।
महासंघका अनुसार शुक्रबार १० ग्राम छापावाला सुनको मूल्य २ लाख ४९ हजार १४५ रुपैयाँ र १० ग्राम चाँदीको मूल्य ४ हजार ३२१ रुपैयाँ निर्धारण गरिएको छ।
अन्तर्राष्ट्रिय बजारमा बहुमूल्य धातुको मूल्यमा आएको उतारचढावको प्रभाव नेपाली बजारमा पनि देखिएको व्यवसायीहरू बताउँछन्। पछिल्ला दिनहरूमा सुनको मूल्य निरन्तर अस्थिर रहँदै आएको छ।
