बिहीबार सेयर बजार र कारोबार रकम दुबै बढेको छ । आज सेयर बजार मापक नेप्से परिसूचक ४.५६ अंक बढेर २६२५.८२ विन्दुमा पुगेको छ।
सेयर बजारसंगै कारोबार रकम पनि आज बढेको छ ।
अघिल्लो कारोबार दिन अर्थात बुधबार ४ अर्ब १३ करोड रुपैयाँबराबरको सेयर कारोबार भएको बजारमा आज ४ अर्ब ७१ करोड ७० लाख २८ हजार रुपैयाँबराबरको सेयर कारोबार भएको छ ।
आज कारोबारमा आएको १३ उपसमूहमध्ये ९ उपसमूहको परिसूचक बढेको छ भने चार उपसमूहको परिसूचक घटेको छ ।
बेनी हाइड्रोपावर प्रोजेक्टको सेयर आज सकारात्मक सर्किट लेभलमा कारोबार भएको छ।
कारोबार रकमका आधारमा आज कुमारी बैंक शीर्ष स्थानमा रहेको छ। सो बैंकको आज २३ करोड ६१ लाख ३१ हजार रुपैयाँबराबरको सेयर कारोबार भएको छ ।
