काठमाडौँ । नेकपा एमाले र नेपाली काँग्रेस मिलेर बनाउन लागेको नयाँ गठबन्धनको सरकारमा राष्ट्रिय स्वतन्त्र पार्टी (रास्वपा) सहभागि नहुने भएको छ ।
सोमबार मध्यरातमा उक्त सहमति भएपछि मंगलबार बिहान बसेको रास्वपा सचिवालय बैठकले उक्त सरकारमा सहभागि नहुने निर्णय गरेको हो ।
रास्वपाका प्रमुख सचेतक सन्तोष परियारले नयाँ गठबन्धन देश र जनताको हितमा नरहेको तर्क गरे । उक्त गठबन्धनले देशलाई राजनीतिक स्थायित्व पनि नदिने निष्कर्ष बैठकले निकालेको उनले जानकारी दिए ।
एमाले माओवादीको वर्तमान गठबन्धनमा रास्वपा सभापतिको नेतृत्वमा उपप्रधान र गृहमन्त्रीसहितका मन्त्रालय लिएर सहभागी भएको थियो ।
