काठमाडौँ । साताको अन्तिम कारोबार दिन सुनचाँदी दुबैको मूल्य बढेको छ । नेपाल सुनचाँदी व्यवसायी महासंघको तथ्यांक अनुसार शुक्रबार सुन प्रतितोला १ हजार रुपैयाँले बढेको हो ।
बिहीबार प्रतितोला १ लाख ५९ हजार ६ सय रुपैयाँमा कारोबार भएको सुनको मूल्य शुक्रबार १ हजारले बढेर प्रतितोला १ लाख ६० हजार ६ सय रुपैयाँ कायम भएको हो ।
यस्तै, शुक्रबार चाँदीको मूल्य समेत बढेको छ । आज चाँदी प्रतितोला ५ रुपैयाँले बढेर १ हजार ८ सय ८० रुपैयाँ कायम भएको छ ।
बिहीबार सुन प्रतितोला ४ सय रुपैयाँ र चाँदी प्रतितोला २० रुपैयाँले घटेको थियो ।
