काठमाडौँ । काठमाडौँ महानगरले न्युरोड क्षेत्रको फुटपाथ विस्तारको काम पुनः सुरु गरेको छ । उच्च अदालत पाटनको आदेश अनुसार महानगरले बुधबार बिहानैदेखि फुटपाथ विस्तारको काम पुनः सुरु गरेको हो ।
उच्च अदालत पाटनका न्यायाधीशद्वय ध्रुवराज नन्द र प्रकाश खरेलको संयुक्त इजलासबाट आज महानगरपालिकाले माग गरेबमोजिमको अन्तरिम आदेश दिएपछि सुचारु गर्ने फुटपाथ विस्तारको बाटो खुलेको थियो ।
सडकलाई पैदलयामैत्री बनाउन महानगरपालिकाले बोलपत्रमार्फत निर्माण पक्ष छनोट गरेर जेठ ११ गतेदेखि काम थालेको थियो । आफ्नो क्षेत्राधिकार भित्र महानगरले समन्वय नै नगरी सडक भत्काएको भन्दै सडक डिभिजन कार्यालयले काम रोक्न दिर्नेशन दिएको थियो ।
डिभिजन कार्यालयले पठाएको पत्र अनुचित भनेर जेठ २७ गते महानगरपालिकाले उच्च अदालत पाटनमा रिट दायर गरेको थियो ।
