काठमाडौं । प्रधानमन्त्री केपी शर्मा ओलीले प्रधानमन्त्री बनेको दुई वर्ष पुग्न एक साता बाँकी छँदै राजीनामा दिने बताएका छन् ।
मंगलबार सिंहदरबारस्थित प्रधानमन्त्री तथा मन्त्रिपरिषद्को कार्यालयमा सचिवहरूलाई निर्देशन दिँदै प्रधानमन्त्री ओलीले कांग्रेस-एमालेबीचको सहमतिअनुसार प्रधानमन्त्री बनेको दुई वर्ष पुग्न एक साता बाँकी छँदै राजीनामा दिने बताएका हुन् ।
प्रधानमन्त्री ओलीले सरकार ढल्ने होइन, ढलपल पनि नहुने बताए । 'यो सरकार ढल्ने त के ढलपल पनि हुँदैन । कर्मचारीहरूले ढुक्कले ठीक काम गर्नुस्, सरकारले त्यसको उत्तरदायित्व लिनेछ,' उनले भने ।प्रधानमन्त्री केपी शर्मा ओलीले स्थिरताका लागि बनेको सरकारलाई असफल हुने छुट नरहेको बताए । 'यो सरकारको काँधमा असाधारण जिम्मेवारी छ । यसलाई असफल हुने छुट छैन र कुनै हालतमा असफल हुन दिइँदैन,' उनले भने ।
