काठमाडौं । दुई हप्ता अघि नै प्रिमियर लिगको उपाधि जितिसकेको लिभरपुलले आर्सनलसँग आइतबार राति भएको खेलमा बराबरी खेलेको छ। एनफिल्डमा भएको उक्त खेल २–२ को नतिजामा टुंगिएको हो।
खेलको पहिलो हाफमा मात्र दुई गोल गर्दै लिभरपुलले मजबुत अग्रता लिएको थियो। २० औँ मिनेटमा कोडी गाक्पोले एन्डी रोबर्टसनको क्रसमा गोल गरे भने एक मिनेटपछि लुइस डियाजले दोस्रो गोल थपे।
तर दोस्रो हाफमा आर्सनलले उत्कृष्ट पुनरागमन गर्दै बराबरी ल्यायो। ४७ औँ मिनेटमा गाब्रियल मार्टिनेलीले लियान्ड्रो ट्रोसार्डको क्रसमा हेडमार्फत गोल गर्दै आर्सनललाई खेलमा फर्काए।
त्यसपछि ७० औँ मिनेटमा मिकेल मेरिनोले बराबरी गोल गरे। यद्यपि, उनले ७९ औँ मिनेटमा दोहोरो पहेलो कार्ड खाँदै मैदान छाड्नुपर्यो।
यो बराबरीसँगै लिभरपुलले अंक गुमाएको छ भने आर्सनलले उपाधि दौडमा बाँकी खेलहरूका लागि महत्त्वपूर्ण हौसला पाएको छ।
