काठमाडौं, जेठ ७ । अनेरास्ववियुको २४ औँ राष्ट्रिय महाधिवेशनको लोगो र संगठनको झन्डा विश्वकै सर्वोच्च शिखर सगरमाथाको चुचुरोमा फहराइएको छ।
यो ऐतिहासिक कार्य प्रसिद्ध हिमाल आरोही मिग्मा डेभिड शेर्पाको नेतृत्वमा सम्पन्न भएको हो। उनले २०८२ साल जेठ ५ गते बिहान ८ बजे सगरमाथाको ८८४८.८६ मिटरको उचाइमा अनेरास्ववियुको झन्डा र महाधिवेशनको लोगो सहितको अभियान सम्पन्न गरेका हुन्।
संगठनले यो अभियान जलवायु परिवर्तनविरुद्धको सचेतना तथा हिमाल संरक्षणको सन्देश फैलाउने उद्देश्यका साथ सञ्चालन गरेको जनाएको छ। अनेरास्ववियुले भविष्यमा पनि जलवायु परिवर्तन र प्राकृतिक सम्पदाको संरक्षणका लागि विद्यार्थीहरूको अमूल्य योगदान सुनिश्चित गर्न निरन्तर क्रियाशील रहने प्रतिवद्धता जनाएको छ।
