काठमाडौं । नबिल बैंक लिमिटेडले साउन ६ गतेदेखि '७ प्रतिशत नबिल डिबेन्चर २०८९' नामक ऋणपत्र निष्कासन गर्ने भएको छ।
बैंकले आठ वर्षे अवधिको यो ऋणपत्रमा लगानी गर्ने सर्वसाधारणले वार्षिक ७ प्रतिशत ब्याज पाउनेछन्। उक्त ब्याज अर्धवार्षिक रूपमा वितरण गरिनेछ भने ऋणपत्रको म्याद समाप्त भएपछि मुख्य रकम (साँवा) फिर्ता गरिनेछ।
नबिल बैंकले प्रति कित्ता १ हजार रुपैयाँ दरमा कुल ३० लाख कित्ता ऋणपत्र निष्कासन गर्न लागेको हो, जसअन्तर्गत १२ लाख कित्ता सर्वसाधारणका लागि छुट्याइएको छ।
लगानीकर्ताले छिटोमा साउन ९ गतेसम्म र ढिलोमा साउन २० गतेसम्म आवेदन दिन सक्नेछन्। यस ऋणपत्रको बिक्री प्रबन्धक एसबीआई मर्चेन्ट बैंकिङ लिमिटेड रहेको छ भने आवेदन मेरो सेयरमार्फत अनलाइनमार्फत दिन सकिनेछ।
