काठमाडौँ । जीहो इलेक्ट्रीक स्कुटरले एक्सचेन्ज स्कीम ल्याएको छ । सीएफ मोटो मोटरसाइकल तथा स्कुटर जीहो इलेक्ट्रीक स्कुटरको नेपालका लागि आधिकारिक बिक्रेता ऋषि ट्रेड सेन्टरले सेल्स एन्ड एक्सचेन्ज कार्निभल प्रारम्भ गरेको हो । बुधबारदेखि प्रारम्भ भएको सो कार्निभल शुक्रबारसम्म चल्ने छ ।
नयाँ सवारी साधन किन्न वा पुरानोसँग नयाँ एक्सचेन्ज गर्नका लागि दसैं लगायतका चाडपर्वको अवसरमा ल्याइने आकर्षक अफर पर्खिने चलन धेरै नेपालीको छ । तर सहरमा कुलेस्ट स्कुटर उपलब्ध भएको समयमा त्यही समयमा पाइने आकर्षक अफर उपलब्ध गराएकाले अब पर्खिनु आवश्यक नभएको कम्पनीको भनाइ छ ।
कम्पनीले नेपाली बजारमा उपलब्ध जीहो एई ६ प्लसमा सो अफर ल्याएको हो । जस अनुसार नगद वा फाइनान्समा सो इलेक्ट्रिक स्कुटर खरिद गर्ने ग्राहकलाई सिधै २० हजार रुपैयाँ छुट प्रदान गरिने जनाएको छ ।
त्यसैगरी आफ्नो कुनै पनि ब्रान्डको पुरानो मोटरसाइकल वा स्कुटरसँग साट्न चाहनेले थप ३० हजार रुपैयाँ एक्सचेन्ज भ्यालु पाउने छन् ।
कार्निभलमा सहभागी भएर स्कुटर किन्ने एक जना भाग्यशाली ग्राहकलाई बम्पर पुरस्कारको रुपमा दसैं सपिङ भौचरको रुपमा १५ हजार र एक जना अवलोकनकर्तालाई ५ हजार रुपैयाँ प्रदान गरिने समेत कम्पनीको भनाइ छ ।
यी सबै कार्यका लागि अन द स्पट फाइनान्सिङ र अन द स्पट भ्यालुएसन गरिने छ ।
काठमाडौं उपत्यकाका नक्साल नारायणचौर र झम्सिखेल ललितपुरमा रहेको शोरुममा सो कार्निभल हुनेछ ।
जिओ र एथरका दुई विद्युतीय स्कुटर, फिचरमा कुन ‘पावरफुल’ ? मूल्यमा कुन सहज ?
