काठमाडौं । लमजुङ जिल्ला कारागारको पर्खाल भत्किएपछि मर्मत नहुँदासम्मका लागि त्यहाँ रहेका १०८ जना कैदी बन्दीलाई अन्यत्र स्थानान्तरण गरिएको छ।
नेपाल प्रहरी र शसस्त्र प्रहरीको सुरक्षा टोलीको साथमा पुरुष कैदीहरूलाई ४ वटा बसमा र महिला कैदीहरूलाई हाइस मोटरमा राखी तनहुँ र कास्की जिल्लाका कारागारहरूमा पु¥याइएको हो। स्थानान्तरण गरिएका बन्दीहरूमध्ये ३० जना तनहुँ र ७८ जना कास्की पठाइएको जिल्ला प्रशासन कार्यालयले जनाएको छ।
बन्दीहरूको जिल्लामै बस्ने आग्रहपछि छलफल
कारागार पर्खाल भत्किएपछि स्थानान्तरणको तयारी भइरहँदा बन्दीहरूले जिल्लामै बस्नुपर्ने माग राख्दै विरोध जनाएका थिए। प्रशासन र सुरक्षा निकायका प्रतिनिधिहरूले उनीहरूसँग लामो छलफल र अन्तरक्रिया गरेका थिए। अन्ततः बन्दीहरूले लिखित प्रतिवद्धता पश्चात् स्थानान्तरणमा सहमति जनाएका हुन्।
जिल्ला प्रशासन कार्यालयका अनुसार कारागारको पर्खाल मर्मत सम्पन्न नभएसम्म बन्दीहरूलाई अन्यत्र राखिनेछ। आवश्यक मर्मतपश्चात पुनः स्थानान्तरणबारे निर्णय गरिनेछ।
