काठमाडौँ ।
नेपाल कराते महासंघ जिल्ला कार्यसमिति लमजुङको अध्यक्षमा पुनः प्रेमबहादुर गुरुङ चयन भएका छन् । जिल्ला खेलकुद विकास समिति लमजुङको कार्यालयमा बुधबार सम्पन्न प्रथम जिल्ला अधिबेसनले गुरुङलाई सर्वसम्मत पुन: अध्यक्षमा निर्वाचित गरेको हो ।
१३ सदस्यीय नयाँ कार्यसमितिको उपाध्यक्षमा मनु घर्ती, सरोज तामाङ, सचिवमा तुलबहादुर गुरुङ, कोषाध्यक्षमा प्रीति तामाङलाई चयन गरिएको छ । सदस्यहरुमा सुनिल परियार, सुनिल गुरुङ, सुनिल घले, आयुष गुरुङ, सुमन के.सी, अन्जय गुरुङ, हिराजंग घले र जाहिरा मियालाई चयन गरिएको छ । नेपाल कराते महासंघ जिल्ला कार्यसमिति लमजुङको प्रथम जिल्ला अधिबेसनलाई सम्बोधन गर्दै जिल्ला खेलकुद विकास समिति लमजुङका अध्यक्ष सुमन श्रेष्ठले लमजुङमा कराँते खेलको राम्रो सम्भावना रहेको बताए ।
अन्य खेल सरह कराँते खेलपनि प्रतिष्पर्धामा रहेको भन्दै नयाँ तथा दक्ष खेलाडी उत्पादन गर्न महासंघ जिल्ला कार्यसमिति लमजुङले महत्वपूर्ण भुमिका खेल्नुपर्ने बताए । कराँते खेलको विकासका लागि जिल्ला खेलकुँद विकास समिति लमजुङले खेल्नुपर्ने भुमिकामा कुनै पनि खालको कन्जुस्याइँ नरहने प्रतिवद्धता व्यक्त गरे । यसैगरी कार्यक्रममा बोल्दै नेपाल कराते महासंघ गण्डकी प्रदेश समितिका अध्यक्ष मनिराज थापा मगरले कराते खेलाडी उत्पादनमा लमजुङ अगाडी रहेको बताए ।
लमजुङ जिल्लामा अब्बल खेलाडी उत्पादन भइरहेको बताउँदै आगामी दिनमा थप रचनात्मक र सृजनात्मक कार्यलाई जोड दिनुपर्ने बताए । दोस्रो कार्याकालका लागि पुनः अध्यक्षमा निर्वाचित गुरुङ दोर्दी गाउँपालिका ७ लप्सिबोट निवासी हुन् । उनी कराँतेको कुशल खेलाडी मात्र नभइ अन्तर्राष्ट्रि प्रशिक्षक र राष्ट्रियस्तरको निर्णायक समेत हुन् ।
उनी हाल दोर्दी गाउँपालिकाका अध्यक्ष युवराज अधिकारीको स्वकिय सचिवको रुपमा कार्यरत छन् । उनले आफ्नो बाल्यअवस्था देखि हालसम्म कराते खेलको विकास, प्रवर्दन र नयाँ खेलाडी उत्पादनमा उल्लेख्य भूमिका खेल्दै आएका छन् ।
