काठमाडौं । नेपाल प्रिमियर लिग (एनपीएल) सिजन-२ मा सुदूरपश्चिमले छैटौं जित निकालेको छ । सुदूरपश्चिमले चितवनलाई ४९ रनले पराजित गरेको हो ।
सुदूरपश्चिमले दिएको १७० रनको लक्ष्य पछ्याएको चितवन १७ ओभर एक बलमा १२० रन बनाउँदै अलआउट भयो ।
चितवनका लागि रवि बोपाराले सर्वाधिक २९, देव खनाल २८, अर्जुन साउद १६, कप्तान कुशल मल्ल १५, बाहेक अन्य ब्याट्सम्यानले दोहोरो अंकको रन जोड्न सकेनन् ।
बलिङमा सुदूरपश्चिमका पुनित मेहराले ३, कप्तान दीपेन्द्रसिंह ऐरी, हिक्मत महरा, अविनाश बोहरा र इसान पाण्डेले एकरएक विकेट लिए ।
यसअघि टस हारेर पहिले ब्याटिङ गरेको सुदूरपश्चिम निर्धारित २० ओभरमा ४ विकेट गुमाएर सुदूरपश्चिमले १६९ रन जोड्यो ।
सुदूरपश्चिमका लागि ओपनर क्रिस लिनले सर्वाधिक ७५ रन जोडे । कप्तान दीपेन्द्रसिंह ऐरी र आरिफ शेखले समान २४, विनोद भण्डारीले २१ र पुनित मेहराले १३ रन बनाए ।
चितवनका लागि सैब जैबले दुई, रञ्जित कुमार र जर्ज स्क्रिमसोले समा एक-एक विकेट लिए । चितवनले एनपीएल–२ मा चौथो हार बेहोरेको छ । यो हारसँगै प्लेअफमा पुग्ने चितवनको सम्भावनामा कठिन बनेको छ ।
