काठमाडौँ । नेपाल प्रिमियर लिग (एनपीएल) क्रिकेटको बिहीबार जारी खेलमा लुम्बिनी लायन्सले विराटनगर किङ्सलाई जितका लागि एक सय ३५ रनको लक्ष्य दिएको छ ।
कीर्तिपुरस्थित अन्तर्राष्ट्रिय क्रिकेट मैदानमा टस हारी पहिले ब्याटिङको निम्तो पाएको लुम्बिनीले निर्धारित २० ओभरमा अठ विकेट गुमाएर एक सय ३४ रन बनायो ।
ओपनर ब्याट्सम्यान दिनेश अधिकारी (एक रन) लाई सस्तैमा गुमाएको लुम्बिनीका लागि अर्का ओपनर डी’आर्ची सर्ट र तेस्रो नम्बरमा क्रिज समाल्न आएका कप्तान रोहित पौडेलले उत्कृष्ट साझेदारी गरे ।
यी दुबै ब्याट्सम्यानले दोस्रो विकेटका लागि ६९ रनको साझेदारी गरे । डी’आर्ची सर्टले महत्वपूर्ण ४५ रन बनाए । उनले केवल ४१ बलको सामना गरी एक छक्का र तीन चौका हिर्काए ।
कप्तान रोहितले पनि टोलीको खातामा ३४ रन थपे । उनले ३० बलमा दुई छक्का र दुई चौका प्रहार गरे । निरोसन डिक्वेलाले २२ बलमा चार चौकाको मद्दतले २९ रन बनाए ।
सन्दीप जोरा र जोनाथन जोहानेश स्मित खाता खोल्नुअघि नै पेभेलियन फर्किए । दिलीप नाथ पनि केवल एक रन बनाउँदै आउट भए ।
