काठमाडौँ । नेपाली बजारमा प्रतितोला सुनको मूल्यले ३ लाख रुपैयाँ नाघ्को छ । नेपाल सुनचाँदी व्यवसायी महासंघले आइतबार सार्वजनिक गरेको तथ्यांक अनुसार रेकर्ड ब्रेक गर्दै सुन प्रतितोला ३ लाख ३ हजार ८ सय रुपैयाँ पुगेको हो ।
शुक्रबार प्रतितोला ३ लाख १ हजार ४ सय रुपैयाँमा कारोबार भएको थियो । आज प्रति १० ग्राम छापावाल सुनको मूल्य २ लाख ६० हजार ४ सय ६० रुपैयाँ तोकिएको छ ।
आज चाँदीको मूल्य पनि तोलामा २९० रुपैयाँले बढेर प्रतितोला ६ हजार ४ सय ९० रुपैयाँ पुगेको छ । आज १० ग्राम चाँदीको मूल्य ५ हजार ५ सय ५५ रुपैयाँ ५० पैसा तोकिएको छ । चाँदीको मूल्य पनि हालसम्मकै उच्च हो ।
