काठमाडौं । ज्योति विकास बैंक लिमिटेडले चितवन, सौराहास्थित Rhino Lodge होटलसँग सम्झौता गरी आफ्ना ग्राहकहरूलाई विशेष छुट प्रदान गर्ने भएको छ। यसअनुसार बैंकका ग्राहकहरूले उक्त होटलमा २५% सम्म छुट पाउनेछन्।
होटलको रमणीय प्राकृतिक दृश्य, शान्त वातावरण र उच्चस्तरीय सेवा सुविधा सौराहालाई पर्यटकहरूको प्रमुख गन्तव्य बनाएको छ। बैंकले सामाजिक उत्तरदायित्व र दिगो विकासलाई प्राथमिकता दिँदै विभिन्न स्वास्थ्य, जीवनरक्षा र सामाजिक कार्यक्रमहरूमा समेत योगदान दिँदै आएको छ।
हाल ज्योति विकास बैंक ११८ शाखा, ३ विस्तारित काउन्टर र ७५ एटीएम मार्फत देशभर सेवा प्रदान गर्दै आएको छ।
