काठमाडौँ । अख्तियार दुरुपयोग अनुसन्धान आयोगले प्रमुख प्रशासकीय अधिकृत सहित ५ जना विरुद्ध भ्रष्टाचार मुद्दा दायर गरेको छ । आयोगले मंगलबार विशेष अदालत काठमाडौँमा बझाङ जिल्लाको बित्थडचिर गाउँपालिकाका निमित्त प्रमुख प्रशासकीय अधिकृत चक्रदेव भट्ट सहित ५ जना विरुद्ध निर्माणा कार्यमा अनियमितता गरेको भन्दै मुद्दा दायर गरेको हो ।
पालिकाको वडा नम्बर ९ स्थित बागथला धारी डोबा सडक निर्माण कार्यमा सडकमा ग्याबिन कार्य र मेसिनरी कार्यको काम नभई भुक्तानी दिएको आरोप छ ।
भट्टसहित पालिकाका तत्कालीन लेखापाल रामचन्द्र धामी, इन्जिनियर सन्देश भण्डारी, सबइन्जिनियर किरण भण्डारी र निर्माण कमपनी भुमिराज कन्स्ट्रक्सन धनगढीका प्रोपाइटर मान बहादुर बोहरा विरुद्ध आयोगले मुद्दा दायर गरेको हो । उनीहरुमाथि ८ लाख ४८ हजार ९६२ रुपैयाँ बिगाोसहित माग दाबी गरिएको छ ।
