काठमाडौँ । नेकपा (एमाले) का अध्यक्ष एवं पूर्वप्रधानमन्त्री केपी शर्मा ओलीको पित्तथैलीमा रहेको पत्थरीको अपरेशन गर्ने मिति तय गरिएको छ ।
त्रिवि शिक्षण अस्पतालका चिकित्सकको टीमले सबै परीक्षणपछि अपरेशन गर्न समस्या नभएको निर्क्योल गर्दै सोमबारको मिति तय गरेका हुन् ।
त्रिवि शिक्षण अस्पतालमा उपचाररत अध्यक्ष ओलीको पित्त थैलीमा पत्थरी देखिएको थियो । यसअघि ओलीको स्वास्थ्यमा मल्टिपल समस्या देखिएपछि अपरेशन रोकिएको थियो ।
चिकित्सकका अनुसार सोमबार विहानसम्म स्वास्थ्य स्थितिमा कुनै समस्या नआए अपरेशन हुने निश्चित छ ।
