काठमाडौँ । राष्ट्रिय स्वतन्त्र पार्टी (रास्वपा)को प्रथम राष्ट्रिय महाधिवेशनअन्तर्गत सम्पन्न पदाधिकारी निर्वाचनबाट हरि ढकाल, निशा डाँगी र असिम शाह सहमहामन्त्री पदमा निर्वाचित भएका छन्।
शुक्रबार सम्पन्न मतदानको अन्तिम मतपरिणामअनुसार ढकाल, डाँगी र शाहले आवश्यक मत प्राप्त गर्दै सहमहामन्त्री पदमा विजय हासिल गरेका हुन्।
रास्वपाले महाधिवेशनमार्फत नयाँ नेतृत्व चयन गर्ने क्रममा यसअघि महामन्त्रीमा विपिन आचार्य र उपसभापतिमा सोबिता गौतम निर्वाचित भइसकेका छन्। सहमहामन्त्री पदको नतिजासँगै पार्टीको नयाँ नेतृत्वले पूर्णता पाउने क्रममा रहेको छ।
