काठमाडौं । लमजुङ मर्स्याङ्दी गाउँपालिकाले सञ्चालन गरेको तीन दिने कृषि तथा पशु हाटबजारमा २५ लाख रुपैयाँ बराबरको कारोबार भएको पाइएको छ । गाउँपालिकाले खुदीको कृषि सेवा केन्द्रमा बिहीबार, शुक्रबार र शनिबार कृषि तथा पशु हाटबजारको आयोजना गरेको थियो । हाटबजारमा कृषकले ७० भन्दा बढी खसीबोका बिक्री गरेका छन् । यस्तै हाटबजारकै अवसरमा १२ लाख रुपैयाँ बराबरको मह बिक्री गरेका छन् ।
गाउँपालिका अध्यक्ष अर्जुन गुरुङले दशैंलक्षित कृषि पशु हाटबजारले उत्पादक किसानहरु र उपभोक्ताहरु सबै उत्साहित भएको बताए । उनका अनुसार कृषकले हाटबजारभरी २५ लाख रुपैयाँ बढी आम्दानी लिएका छन् । कृषकले दशैंको मुखमा आफ्ना उत्पादन विक्री गरी आर्थिक लाभ लिएको र उपभोक्ताले पनि गाउँघरकै उत्पादन पाएको उनले बताए ।
