काठमाडौँ । नेपालमा विद्युतीय सवारीप्रति आकर्षण बढिरहेका बेला एथर नेपालले आफ्नो बजार तथा सेवा सञ्जाल विस्तार गरेको छ। एथरको नेपालका लागि आधिकारिक वितरक वैद्याज इनर्जी प्रालिले धरानको छाता चोकमा नयाँ एथर एक्सपिरियन्स सेन्टर सञ्चालनमा ल्याएको हो।

भदौ १७ गते औपचारिक रूपमा उद्घाटन गरिएको उक्त एक्सपिरियन्स सेन्टरसँगै नेपालमा एथरका एक्सपिरियन्स सेन्टरको संख्या १३ पुगेको कम्पनीले जनाएको छ। सेन्टरको उद्घाटन धरानका कार्यवाहक मेयर ऐन्द्रविक्रम बेघा र सुनसरी उद्योग वाणिज्य संघका प्रमुख गोपाल श्रेष्ठको उपस्थितिमा भएको थियो।

धरानमा नयाँ सेन्टर सञ्चालनमा आएसँगै पूर्वी नेपालका ग्राहकले एथरका विद्युतीय स्कुटर, प्रविधि तथा सेवा सुविधाबारे प्रत्यक्ष जानकारी लिन र टेस्ट राइड गर्न सक्ने भएका छन्। एथरले यसअघि काठमाडौं, पोखरा, चितवन, इटहरी, बुटवल, जनकपुर, वीरगञ्ज र बिर्तामोडलगायतका प्रमुख सहरमा आफ्नो उपस्थिति विस्तार गरिसकेको छ।

४५० सिरिज र रिज्टा उपलब्ध

धरानस्थित नयाँ एक्सपिरियन्स सेन्टरमा ग्राहकले एथरको लोकप्रिय ४५० सिरिज तथा परिवारलाई लक्षित गरी तयार गरिएको रिज्टा हेर्न र टेस्ट राइड गर्न सक्नेछन्।

सेन्टरमा एथरको नयाँ ४५०एक्स ओभरटोन सिरिज समेत प्रस्तुत गरिएको छ। नयाँ पुस्ताको ४५० सिरिजमा प्रदर्शनसँगै प्रविधि र राइडिङ अनुभवलाई प्राथमिकता दिइएको कम्पनीले जनाएको छ।

स्कुटरमा म्याजिक ट्विस्ट, इन्फिनिट क्रुज र भ्वाइस इन्टर्याक्सन जस्ता सुविधा उपलब्ध छन्। म्याजिक ट्विस्टमार्फत थ्रोटल प्रयोग गरेर सहज रूपमा गति घटाउन सकिने तथा इन्फिनिट क्रुजले लामो दूरीको यात्रामा सहज क्रुजिङ अनुभव दिने कम्पनीको दाबी छ। त्यस्तै, भ्वाइस इन्टर्याक्सनमार्फत राइडरले भ्वाइस कमान्डबाट स्कुटरसँग अन्तरक्रिया गर्न सक्नेछन्।

त्यसैगरी, रिज्टालाई आरामदायी, व्यावहारिक र पारिवारिक दैनिक आवागमनलाई ध्यानमा राखेर तयार गरिएको कम्पनीले जनाएको छ।

उद्घाटनअघि नै २५ भन्दा बढी बुकिङ

धरानमा एथरको आगमनप्रति ग्राहकको सुरुवाती प्रतिक्रिया उत्साहजनक देखिएको कम्पनीले जनाएको छ। एक्सपिरियन्स सेन्टरको औपचारिक उद्घाटन हुनुअघि नै २५ भन्दा बढी बुकिङ प्राप्त भएको वैद्याज इनर्जीले जनाएको छ।

धरान तथा आसपासका क्षेत्रमा प्रिमियम विद्युतीय स्कुटर र नयाँ पुस्ताको प्रविधिप्रति ग्राहकको चासो बढिरहेको यसले देखाउने कम्पनीको भनाइ छ।

कम्पनीले एक्सपिरियन्स सेन्टर उद्घाटनको अवसरमा भदौ २३ गतेसम्म विशेष अफर समेत सार्वजनिक गरेको छ। उक्त अफरअन्तर्गत ग्राहकले ब्याट्रीको अतिरिक्त वारेन्टी, ५० प्रतिशत डाउन पेमेन्टमा शून्य प्रतिशत ब्याजदर वा थप ८ हजार रुपैयाँको भ्यालुएसन बेनिफिटमध्ये कुनै एक सुविधा छनोट गर्न सक्नेछन्।

८ वर्ष वा ८० हजार किलोमिटरसम्म ब्याट्री वारेन्टी

एथरले स्कुटर बिक्रीसँगै ग्राहकलाई दीर्घकालीन स्वामित्व अनुभव उपलब्ध गराउने उद्देश्यले विभिन्न सेवा तथा सुविधा विस्तार गरिरहेको जनाएको छ।

कम्पनीका अनुसार **एथर एस्योरेन्सअन्तर्गत ‘एटसेभेन्टी ब्याट्री वारेन्टी’**मा ब्याट्रीका लागि ८ वर्ष वा ८० हजार किलोमिटरसम्मको वारेन्टी उपलब्ध छ। यसअन्तर्गत ब्याट्रीको स्वास्थ्य ७० प्रतिशत कायम रहने सुनिश्चितता गरिएको कम्पनीको भनाइ छ।

वैद्याज इनर्जीले नेपालभर १० भन्दा बढी आधिकारिक सर्भिस सेन्टर विस्तार गरिसकेको जनाएको छ। यसबाट एथरका ग्राहकले विभिन्न सहर तथा आसपासका क्षेत्रमा प्रशिक्षित प्राविधिकबाट सेवा लिन सक्नेछन्।

५० भन्दा बढी फास्ट चार्जिङ ग्रिड

कम्पनीले चार्जिङ पूर्वाधारलाई पनि प्राथमिकतामा राखेको जनाएको छ। हाल नेपालभर ५० भन्दा बढी फास्ट चार्जिङ ग्रिड निर्माण भइसकेका छन्।

कम्पनीका अनुसार यी चार्जिङ ग्रिडमा एथरका उपयुक्त स्कुटरलाई शून्यदेखि ८० प्रतिशतसम्म करिब ४५ मिनेटमा चार्ज गर्न सकिन्छ। यसले दैनिक आवागमनदेखि लामो दूरीको यात्रासम्म विद्युतीय स्कुटर प्रयोगलाई सहज बनाउने कम्पनीको अपेक्षा छ।

धरानमा नयाँ एक्सपिरियन्स सेन्टर सञ्चालनसँगै एथरले पूर्वी नेपालमा आफ्नो बजार तथा सेवा पहुँच थप विस्तार गरेको छ। कम्पनीले एक्सपिरियन्स सेन्टर, सर्भिस नेटवर्क र फास्ट चार्जिङ पूर्वाधारलाई एकसाथ विस्तार गर्दै ग्राहकलाई स्कुटर बिक्रीमा मात्र सीमित नभई सम्पूर्ण विद्युतीय सवारी स्वामित्वको अनुभव उपलब्ध गराउने लक्ष्य लिएको जनाएको छ।