काठमाडौँ । माथिल्लो त्रिशूली–३ ‘ए’ जलविद्युत् आयोजनाको सुरुङभित्र फसेका सबै मानिस सकुशल रहेको उद्धार गरिएका सञ्जय साहले जानकारी दिएका छन्।
१० दिनदेखि सुरुङभित्र फसेका साह र कविर महर्जनलाई उद्धारकर्ताले केहीबेरअघि सकुशल बाहिर निकालेका हुन्। उद्धारपछि साहले सुरुङभित्र अझै फसेका मानिसहरूको अवस्थाबारे जानकारी दिँदै सबै जना सकुशल रहेको बताएका हुन्।
साह मेकानिकल फोरम्यान हुन् भने महर्जन मेकानिकल सुपरभाइजर हुन्। उद्धार गरिएका साह र महर्जनलाई उपचारका लागि हेलिकप्टरमार्फत काठमाडौं ल्याउने तयारी भइरहेको छ। सुरुङभित्र अन्य मानिस अझै रहेकाले उनीहरूको उद्धार कार्य जारी छ।
