काठमाडौँ । उद्योग, वाणिज्य तथा आपूर्ति मन्त्रालयले ७५३ वटै स्थानीय तहसँग गरिबी निवारणका लागि उद्यम विकास कार्यक्रमको प्रगति विवरण माग गरेको छ ।
उद्योग मन्त्रालयले संघीय मामिला तथा सामान्य प्रशासन मन्त्रालयलाई पत्र पठाउँदै ७ दिनभित्र विवरण उपलब्ध गराउने गरी सबै स्थानीय तहलाई परिपत्र गर्दै उक्त विवरण माग गरेको हो ।
उद्योग मन्त्रालयले सामान्य मन्त्रालयलाई पठाएको पत्रमा भनिएको छ, ‘सबै महानगरपाािलका, उपमहानगरपालिका, नगरपालिका र गाउँपालिकामा सञ्चालित गरिवी निवारणका लागि उद्यम विकास कार्यक्रमका लागि नेपाल सरकारबाट उपलब्ध गराइएको ससर्त अनुदानको प्रगति विवरण र हाल कार्यरत उद्यम विकास सहजकर्ताको नाम, थर, सम्पर्क नम्बर र नियुक्ति मिति समेत ७ दिनभित्र उपलब्ध गराउन आदेशअनुसार अनुरोध छ ।’
