काठमाडौँ । राष्ट्रपति रामचन्द्र पौडेल कीर्तिपुर बर्न अस्पताल पुगेका छन् । शनिबार पोखरामा भएको बेलुन विस्फोटमा परेर घाइते भएका उपप्रधानमन्त्री एवं अर्थमन्त्री विष्णु पौडेल र पोखरा महानगरपालिकाका प्रमुख धनराज आचार्यको स्वास्थ्यबारे जानकारी लिन उनी अस्पताल पुगेका हुन् ।
उनी केहीबेर अघि अस्पताल पुगेको उपप्रधानमन्त्री पौडेलको सचिवालयले जनाएको छ ।
उपप्रधानमन्त्री पौडेल र मेयर आचार्यको बर्न अस्पतालमा उपचार भइरहेको छ । चिकित्सकहरूले उनीहरूको अवस्था खतरामुक्त रहे पनि निगरानीमै उपचार गर्न आवश्यक रहेको बताएका छन् ।
पोखरा भ्रमण वर्ष २०२५ को औपचारिक उद्घाटन गर्ने क्रममा स्विच थिचेर पानसमा बत्ति बालेपछि बेलुन उडाउन खोज्दा आगोमा परेर बेलुन पड्किँदा अर्थमन्त्री पौडेल र मेयर आचार्य घाइते भएका थिए।
