काठमाडौँ । वडा सचिवमाथ आक्रमण गर्ने वडाअध्यक्षलाई १० दिन हिरासतमा राखेर अनुसन्धान गर्न जिल्ला प्रशासन कार्यालयल तनहुँले अनुमति दिएको छ ।
सोमबार वडासचिप नवीन भुसालमाथि बन्दीपुर गाउँपालिका–६ का वडाध्यक्ष बलबहादुर गुरुङले कार्यकक्षमा हातपात गरेका थिए ।
कर्मचारीको दबाब पछि सोमबार नै पक्राउ गरेका उनलाई थप १० दिन हिरासतमै राखेर अनुसन्धान गर्न प्रहरीले अनुमति पाएको हो ।
गाउँपालिकाले कानुनअनुसार कारबाही गर्न पत्राचार गरेको भए पनि पीडित भुसालले चितवनबाटै कुटपिट तथा अभद्र व्यवहारमा मंगलबार किटानी जाहेरी दिएका थिए ।
किटानी जाहेरीकै आधारमा प्रहरीले कुटपिट तथा अभद्र व्यवहारको मुद्धामा जिल्ला प्रशासन कार्यालय तनहुँबाट १० दिन हिरासतमै राखेर अनुसन्धान गर्न अनुमति दिएको जिल्ला प्रहरी कार्यालयका सूचना अधिकारी राजु अधिकारीले जानकारी दिए ।
सम्बन्धीत समाचार :
संसदको दुबै सदनमा उठ्यो वडाअध्यक्षले कर्मचारीमाथि हातपात गरेको विषय
बन्दिपुर प्रकरणः कालोपट्टि बाँधेर विरोधमा उत्रिए राष्ट्रसेवक कर्मचारी
तनहुँमा वडाअध्यक्षले कुटे वडा सचिवः घाँटीमा गहिरो चोट, चितवन मेडिकल कलेजमा उपचार हुँदै
