काठमाडौँ । दुधकोसी जलविद्युत कम्पनीका प्रमुख कार्यकारी निर्देशक (सीईओ) विमल गुरुङको जिम्मेवारी खोसिएको छ । बुधबार बसेको नेपाल विद्युत प्राधिकरणको सञ्चालक समितिको बैठकले गुरुङलाई सीईओको जिम्मेवारीबाट फिर्ता बोलाउने निर्णय गरेको हो ।
प्राधिकरणका तत्कालीन कार्यकारी निर्देशक कुलमान घिसिङको आडमा दुधकोसीमा रजगज गरेका उनलाई तत्काल फिर्ता बोलाएर उनको ठाउँमा ११ औँ तहका बसन्तध्वज श्रेष्ठलाई पठाईएको छ । घिसिङले ११ औँ तहका कर्मचारीलाई सीईओको बनाउनुपर्ने दुधकासीमा पावरका आधारमा आफू मातहतका गुरुङलाई पठाएका थिए ।
गुरुङभन्दा अघि उक्त कम्पनीको सीईओमा उनै श्रेष्ठ सीईओ थिए । गुरुङलाई दुधकोसीबाट हटाएर ईन्जिनियरिङ निर्देशनालय अन्तर्गत नर्म्श स्पेसिफिकेशन महाशाखामा मा पठाईएको छ ।
गुरुङ दुधकोसीमा गएपछि उनले गरेका अनियमितताका बारेमा सीएनएन खबरले निरन्तर समाचार लेख्दै आएको छ । उनले विदेशी कम्पनीलाई ट्याक्स क्लियरेन्सबीनै करोडै भुक्तानी गरेका थिए भने हाजिरी बिनै मासिक रुपमा लाखौँ तलबभत्ता समेत बुज्दै आएका थिए ।
सम्बन्धीत समाचार :
कुलमानको आडमा दुधकोसीमा गुरुङको रजगज, हाजिरी नै नगरी लिन्छन् लाखौँ भत्ता
विवादित सीईओको अर्को हर्कतः मन्त्रालय छिर्न नपाएपछि कर्मचारीलाई उर्दी, मन्त्रालय र प्राधिकरणमा सम्पर्क नगर्नु
दुधकोसीको विवादित सिईओका कारण विवादमा पर्दै उर्जामन्त्री, सेटिङ मिलाएको आरोप
प्राधिकरणका सहायक कम्पनीमा अन्धाधुन्ध निर्णयः घिसिङ नेतृत्वको ८ वर्षे कार्यकालको छानबिन सुरु
कर नतिरी भुक्तानी गर्ने कन्सल्टेन्टको अफिसमा दुधकोसीका सीईओको रजगज
दुधकोसीमा अकर्मण्य नेतृत्व, ट्याक्स क्लियरेन्सबीनै विदेशी कन्सल्टेन्टलाई करोडौँ भुक्तानी
सरकार र दातृ निकायबीचको सम्बन्ध बिगार्दै दुधकोसी आयोजनाका सीईओ गुरुङ
प्राधिकरणलाई नाफा मात्रै देखाउँछन् कुलमानः सरकारलाई न कर न ऋण भुक्तानी
