काठमाडौँ । लमजुङको दोर्दी गाउँपालिकामा निशुल्क दन्त स्वास्थ्य शिविर सञ्चालन हुने भएको छ । दुर दराजमा रहेका नागरिकलाई गाउँघरमै सहज रुपमा दन्त सेवा उपलब्ध गराउने उदेश्य सहित साउन ८ र ९ गते निशुल्क दन्त शिविर सञ्चालन गर्न लागिएको हो ।
दोर्दी गाउँपालिकाको आयोजना तथा ओंम समाज डेण्टल काठमान्डौको प्राविधिक सहयोगमा नौथर सामुदायिक स्वास्थ्य इकाइको प्राङ्गणमा शिविर सञ्चालन गर्न लागिएको गाउँपालिका अध्यक्ष युवराज अधिकारीले बताए । शिविरमा मुटु फाउण्डेशन नेपाल, मनोज एशोशियसन फ्रान्स र नमस्ते ग्रेनोबल फ्रान्सले सहयोग गरेको छ ।
शिविरमा दाँतको समान्य चेकजाँच, दाँतमा सिमेन्ट भर्ने, दाँत उखेल्ने, निशुल्क औषधि वितरण गर्ने लगायतको सेवा प्रदान गरिने गाउँपालिका अध्यक्ष युवराज अधिकारीका स्वकिय सचिव प्रेमबहादुर गुरुङले बताए ।
शिविरमा सेवा लिन आएका विरामीलाई थप उपचार गर्नुपरेमा ओम समाज डेण्टल हस्पिटल काठमान्डौबाट २० प्रतिशत सहुलियतको व्यवस्था गरिएको गुरुङले बताए ।
