काठमाडौं । पशुपति आर्यघाटमा जलाउन लागिएको शवबाट मासु र हड्डी निकालिएको आरोपमा एक ब्राम्हण पक्राउ परेका छन्। पक्राउ पर्ने व्यक्ति आर्यघाटमा शव जलाउने काम गर्ने व्यक्तिको रूपमा परिचित रहेको प्रहरीले जनाएको छ।
जिल्ला प्रहरी परिसर काठमाडौंका एसपी तथा प्रवक्ता कुलदीप चन्दका अनुसार, पक्राउ परेका व्यक्तिलाई प्रहरी वृत्त गौशालाको हिरासतमा राखेर अनुसन्धान अघि बढाइएको छ।
काभ्रेको बनेपा नगरपालिका-९ का राम शाहीको शवबाट मासु र हड्डी निकालिएको आरोप आफन्तले लगाएका थिए। घटनाबारे आफन्तहरूले प्रहरीमा निवेदन दिएको जानकारी पनि प्राप्त भएको छ।
प्रहरीले भनेका छन् कि मासु र हड्डी बेच्ने गरेको भनिएको भए पनि अहिलेसम्म किन्ने को हो र कतिमा बिक्री भएको भन्ने तथ्यांक खुलेको छैन। यस कारणले गर्दा यसबारे अहिले नै आरोप पुष्टि हुने खालका प्रमाणहरू फेला नपरेको बताइएको छ।
