काठमाडौं । भारतको उत्तराखण्डमा आएको बाढी र पहिरोमा हराइरहेका २६ नेपालीको नाम सार्वजनिक गरिएको छ। नेपाली दूतावासका अनुसार उत्तरकाशीमा २१ र पौडी गढवालमा ५ जना नेपाली बेपत्ता छन्।
साउन २१ र २२ मा उक्त क्षेत्रमा आएको बाढी–पहिरोका कारण उनीहरू सम्पर्कविहीन भएका हुन्। उद्धार तथा खोजी कार्य स्थानीय प्रशासन र सुरक्षाकर्मीको सहयोगमा जारी रहेको दूतावासले जनाएको छ।
दूतावासले प्रभावित नेपालीका परिवारलाई आवश्यक सहयोगका लागि सम्पर्क गर्न आग्रह समेत गरेको छ।
© 2026 All right reserved to cnnkhabar.com | Site By : SobizTrend
