काठमाडौँ । चौधरी समूह (सीजी) का प्रबन्ध निर्देशक निर्वाण चौधरीले जेनजी आन्दोलनका प्रत्येक शहीद परिवारका एक सदस्यलाई रोजगारी प्रदान गर्ने घोषणा गरेका छन्।
चौधरीले बुधबार सामाजिक सञ्जाल मार्फत उक्त घोषणा गरेका हुन् । उनले भनेका छन्, ‘जेनजी आन्दोलनका प्रत्येक शहीद परिवारका एक सदस्यलाई हामी रोजगारी प्रदान गर्नेछौँ। यो केवल हाम्रो वाचा मात्र होइन, हाम्रो गहिरो कर्तव्य र श्रद्धा हो।’
चौधरी समूहले आन्दोलनका क्रममा आफ्ना निजी निवास, कार्यालय, शोरूम र कारखानामा भएको ठूलो क्षति र विध्वंसप्रति दुःख व्यक्त गर्दै पुनःनिर्माणको यात्रामा दृढ आत्मविश्वासका साथ अघि बढ्ने पनि जनाएको छ।
निर्वाणले भनेका छन्,‘हामी सँगै उभिनेछौँ, पुनःनिर्माण गर्नेछौँ। आशा, सहानुभूति र सम्मानसहित यो देशको सुन्दर र उज्ज्वल भविष्य निर्माण गर्नेछौँ।’
