काठमाडौं । राष्ट्रिय स्वतन्त्र पार्टी (रास्वपा) का उपसभापति स्वर्णिम वाग्लेले अघिल्लो सरकारले तयार पारेको संसदीय विशेष छानबिन समितिको सहकारीसम्बन्धी प्रतिवेदन पुनर्विचार गर्न वर्तमान सरकारसँग आग्रह गरेका छन्।
मंगलबार वाग्ले पार्टी सभापति रवि लामिछानेसँग नख्खु कारागारमा भेटवार्ता पछि सञ्चारकर्मीसँग कुरा गर्दै यस्तो बताएका हुन्। उनले वर्तमान सरकारले प्रतिशोधको राजनीतिबाट अघि बढ्न नहुने पनि बताएका छन्।
वाग्लेका अनुसार, संसदीय छानबिन समितिले तयार पारेको प्रतिवेदनको ४४९ नम्बर पाना फेरि पढेर समीक्षा गर्न सरकारसँग अनुरोध गरिएको छ। उनले भने, “रवि लामिछानेलाई नख्खुमै राखेको चार-पाँच महिना भयो। भैरहवामा त्यस्तो राखिएको तरिका संसदीय छानबिन रिपोर्टको आधारमा भएको थियो। त्यस्तो प्रतिवेदन तयार भएपछि केही घन्टामै क्याबिनेटमा पेश गरियो। त्यस पानालाई फेरि पढेर विचार गरियोस्।”
उनीँले स्पष्ट पारे कि वर्तमान सरकारले प्रतिवेदन पुनर्विचार गरेर कानुनी राय लिनेछ, तर अदालतमा यसमा कुनै हस्तक्षेप नगर्ने हो।
स्वर्णिम वाग्लेले सभापति लामिछानेसँग पार्टी जीवन, राष्ट्रिय जीवन, व्यक्तिगत स्वास्थ्य लगायत विषयमा पनि छलफल गरेको बताए। मंगलबार दिउँसो सवा ११ बजेदेखि पौने २ बजेसम्म भेटवार्ता भएको थियो। यसैबीच, विघटित प्रतिनिधिसभाका सांसद अमरेशकुमार सिंहले पनि सभापति लामिछानेसँग भेटवार्ता गरेका छन्।
