काठमाडौं । साताको पहिलो दिन आइतबार सेयर बजार परिसूचक (नेप्से)मा २३ अंकको गिरावट आएको छ। यसअघि लगातार पाँच कारोबारमा गिरावट आएको थियो। आइतबारको कारोबारपछि नेप्से २६०७ अंकमा पुगेको छ।
यद्यपि बजारमा गिरावट भए पनि आजको कारोबार रकम बढेको देखिन्छ। अघिल्लो दिन पाँच अर्ब २३ करोड रुपैयाँको कारोबार भएकोमा आज पाँच अर्ब ३३ करोड रुपैयाँको कारोबार भएको छ।
आज ४६ कम्पनीको मूल्य बढ्दा २०४ कम्पनीको मूल्य घटेको छ भने आठ कम्पनीको मूल्य स्थिर रहको छ। आज स्वस्तिक लघुवित्त, श्रीनगर एग्रिटेक र झापा इनर्जीको शेयर मूल्य १० प्रतिशतले वृद्धि भएको छ।
विपरीत, बुङ्गल हाइड्रोपावरको शेयर मूल्य ८.५१ प्रतिशत, माबिलुङ इनर्जीको ६.९८ प्रतिशत र मिथिला लघुवित्तको ५.९० प्रतिशतले घटेको छ।
बजार विश्लेषकहरूले गिरावटको कारण अवलोकन गर्दै आगामी दिनहरूमा लगानीकर्ताले सावधानी अपनाउनुपर्ने सुझाव दिएका छन्।
