काठमाडौँ । प्रभु महालक्ष्मी लाइफ इन्स्योरेन्सको करिब २२ लाख कित्ता संस्थापक शेयर बिक्रीमा राखिएको छ । कम्पनीले संस्थापक शेयरधनीको स्वामित्वमा रहेको २१ लाख ९६ हजार कित्ता शेयर बिक्रीमा राखेको हो ।
हाललाई कम्पनीका संस्थापक शेयरधनीहरुले मात्र शेयर खरिदका लागि निवेदन दिन सक्नेछन् । यसका लागि ३५ दिनको समय दिइएको छ ।
न्यूनतम मूल्य प्रतिकित्ता २०३ रुपैयाँमा तोकिएको उक्त शेयर लगानीकर्ताले २ लाख कित्ता वा सोभन्दा बढि खरिद गर्न सक्ने सूचनामा उल्लेख छ ।
इच्छुक संस्थापक शेयरधनीले काठमाडौंको कमलादीस्थित कम्पनीको केन्द्रीय कार्यालयमा निवेदन दिन सक्नेछन् । तोकिएको समयभित्र संस्थापक शेयरधनीहरुबाट खरिद आवेदन नपरेको खण्डमा अन्य व्यक्ति तथा संस्थालाई शेयर बिक्री गरिने कम्पनीले जनाएको छ ।
