काठमाडौँ । साताको पहिलो कारोबार दिन आइतबार (आज) नेपाल स्टक एक्सचेञ्ज (नेप्से) परिसूचक उच्च अंकले बढेको छ । आज नेप्से परिसूचक ५४.५१ अंकले बढेर २ हजार ९३१.५५ विन्दुमा बन्द भएको हो।
आज ६ करोड १४ लाख ७ हजार कित्ता शेयर खरिद–बिक्री हुँदा २३ अर्ब ५९ करोड ७७ लाख रुपैयाँ बराबरको कारोबार भएको छ।
आज १८३ कम्पनीको शेयर मूल्य बढेको छ भने ७३ कम्पनीको शेयर मूल्यमा गिरावट आएको छ। ८ वटा कम्पनीको शेयरमूल्य स्थिर छ ।
कर्पोरेट डेभलपमेन्ट बैंक, सालपा विकास बैंक, रिलायन्स स्पिनिङ मिल्स, अभियान लघुवित्त वित्तीय संस्था, सोलु हाइड्रोपावर र भुजुङ्ग हाइड्रोपावरको शेयरमूल्यमा सकारात्मक सर्किट लागेको छ भने सर्वाधिक कारोबार कुमारी बैंकको भएको छ। बैंकको ८५ करोड ९६ लाख रुपैयाँ बराबरको शेयर किनबेच भएको छ ।
